كوميديا التعليق المصرى

بسم الله الرحمن الرحيم


هنا يا ريت تقول أكتر التعليقات المضحكة اللى سمعتها من كابتن محمود بكر

بجد يا جماعة انا بتفرج على الماتشات عشان أضحك على كلام الراجل ده

أنا عملت سرش على تعلقاته و جمعت بعضها


* قبل كدا محمود بكر كان بيكلم عن لعيب قصير فى حرس الحدود..اعتقد مكى..
يقولك دا لعيب بليه!..وطبعا الى فاهمين كوره هيفهموا قصدى..او نقدر نقول عليه لعيب..زقرط!.. هههههههههههههههههههههههه

* ومحمود بكر كان بيعلق على ماتش
وقال...الفريق مكسكس لورا وبيعانى من هيجان هجومى شديد
هههههههههههههههههههههههه

* وطبعا مدش ينسي لما الاسطورة شكر شبكة اوربت وهو بيعلق ع كاس العالم للاندية اللي كان بيذيع قناة الاي ار تي ههههههههههههههههههههههههههههه

* فى ماتش للزمالك كان فى لعيب رافع ايده عشان حد يباصيله كورة ومحمود بكر قال الحقو ده فى واحد بيغرق هناك هههههههههههههههههههههههههههههههههههههههههههههههههه ههه

* ف ماتش الزمالك وبتروجيت بيقولك احمد شعبان شمط واحدة السنة اللي فاتت هههههههههههههههههههههههههههههه

* لما سيد المندوه جاب هدف بني عبيد
بكر قال: "طبعا السيد المندوه هيقعد بالليل على القهوة ويقول أنا اللي جبت الجون في عبد الواحد" ههههههههههههههههههههه

* ولما الزمالك ضغط عشان يتعادل
بكر قال: "طب كان فين الكلام ده من الأول .. يعني لازم أتلب جون عشان ألعب عدل" ههههههههههههههههههههههههههه


* بدايه مباراة الأهلى والإتحاد هذا الموسم (2008\2009) على قناه دريم ذكر محمود بكر ان الصوره سيئه كما ترده من المصدر ولكن المفاجاءه انه ذكر ان البعض يتحدث معه عن صوره افضل فى قناه موردن وان الصوره فى مودرن افضل بكتير يعنى محمود بكر بيقول للناس الى بتتفرج على دريم روحوا اتفرجوا على قناه مودرن احسن ليكم بجد معلق مصيبه ودى سقطه كبيره مينفعش اعلق لقناه واقول التانيه الصوره فيها احسن .


* كان بيلعق علي ماتش في استاد القاهرة ومرة واحده خرج بره التعليق وقال بالنص(الناس هنا مدينلي الاسامي غلط وعم عبده اللي مسؤل عن الحاجت دي مش هيقدر يجي لان الاسنسير قاطع واحنا في الدور السابع ومفيش ميه حاجه غريبة والله ....هه كده هنتفضح في كاس العالم للشباب)ههههههههههههههههههههههههههه


* عمري مانسي يوم نهائي الكاس بتاع الزمالك وانبي ..ومحمد عبد الله بيبدل في اخر الماتش وعمال يتلكع عشان يضيع وقت
وايمن سعيد بتاع انبي عمال يزوق فيه ويكلمه ....راح رايح مكلم الحكم عشان يخرجه بسرعه
راح محمود بكر قال ( اكيد يا جماعه ايمن سعيد مش بيكلم الحكم باليوناني .. دا اصلا بيتكلم عربي بالعافيه )
هههههههههههههههههههههههههههههه

* فيه ماتش للاهلى .وكان الاهلى مضغوط .........قال:
على رأى المثل اللى عايز يحرج الاهلى يهاجمه
وكان فيه لاعب بيدخل وحش على الكوره قال: الاعيب ده مش هايهمد الا لما يتلب انذار
ههههههههههههههههههههههههههههههههههههههههههههه


* فى ماتش مصر وغانا برده
بيقولك لما متعب جاب الجون
شوفو بقا متعب حط الكورة ازاى لو واحد تانى غيره كان شمطها فى المدرجات

* مرة الاهلى كان بيلعب مع الاتحاد وبعدين متعب داخل يلعب الفاول راح قايلك هيدحرجها كدة المدحرجاتى
وبعدين دخلت جون
راح ضاحك وقايل ها هاهاهاهاها لسة بقول حضراتكم

* في موقف تاني موتني من الضحك


وحديث مش قديم

كان ماتش للنادي الأهلي السنة اللي فاتت مع الاتحاد السكندري في الإسكندرية

وكانت كرة مشتركة بين أحمد السيد ومهاجم الاتحاد جنب خط التماس

فالظاهر أحمد السيد وقع على إيده ومسك صوابع إيده وبيتألم

راح بكر قايل:

معلش يابو حميد أنا عارف الوجع بتاعها .. زي المدرس لما يضرب التلميذ بسن المسطرة على ظهر إيده .. بيتنطط زيك كده من الوجع

* اللي ضحكني لما حسين ياسر نزل الملعب

اول كورة يلمسها بدل من ان يقول دا نازل جعان كورة قال طبعا دا نازل فجعان كورة